Informative and entertaining. A live morning show featuring a line up of guests discussing current community issues. American Samoa's most popular morning talk show, watched worldwide online.
Sa faapea ona saunia e le Asosi a alo o Samoa o i Korea (ROKSA) se taumafataga e faatali ai le Tofa a Faleomavaega i le Dragon Hill Lodge, Tesema 1, 2006. Na malaga mai le Tofa a Faleomavaega ma sui o le Konekeresi i sa latou fonotaga sa faia i le vaiaso talu ai ma sui o le Palemene a le Malo o Korea i Saute. A’o iai o ia i Korea, sa faatalosagaina ai e le Tofa Faleomavaega e ala atu i le ofisa o General Bell, ta’ita’iau a vaega ‘au uma a Amerika i Korea, ma le ofisa o le Amapasa a Amerika se avanoa e fono ai ma alo o Samoa o tiute i Korea. Ina ia maua uma e alo o Samoa le faaliga, o lea sa fai ai ia MAJOR Tauapai Laupola ma so’oupu i le va o unite uma e iai ia alo o Samoa ma le ofisa o General Bell. Na iloga ona manuia lea taumafaiga ina ua auai faatasi uma alo o le Atunuu i lea faatasiga e toe faafeiloa’i atu ai i le Tofa a Faleomavaega.
Sa le pine ona faaoga e le ROKSA lenei avanoa e fai taumafataga ai ma le Tofa a Faleomavaega ma matamata ai i se polokalame ata faasolo na saunia e le ROKSA e tusa ai o galuega ma polokalame o lenei tausaga 2006, ua mou malie atu, a’o talitali ai le taimi o “fesili ma tali”. E tusa ai ma masani a Samoa, na mua’i molia laau i foga’a i le “Pese 92, Faafetai i le Atua” ona saunia ai lea e SSG Talalelei Fautanu, le tatalo amata. O le susuga ia SSG Talalelei Fautanu e soifua mai le Afioaga o Fitiuta, Manu’a, o ia fo’i lea sa fai ma fofoga o le afiafi.
E ui sa to’atele e na auai mai, ae sa iai fo’i foliga fou sa vaaai I lena afiafi. Ole mafuaaga lena sa a’e ai loa se manatu o le fofoga ole aso, o le a tutula’i uma le aofia e faasoa ma ta’u mai o latou suafa, nu’u, matua ma le ofisa faigaluega. O le susuga ia MSgt Ami Masaniai o le 8th Security Forces Squadron/S4; e faigaluega i Kunsan Air Force Base, pe tusa o le 244 km i sauté i sasa’e o Seoul; na soifua mai le Afioaga o Vatia, ma o lona taimi muamua lea ua mafuta mai ai i polokalame a le ROKSA. O SPC Yorhena Panama, e faigaluega i le C/1-43 ADA, Osan Air Force Base. O le alo o le Susuga i le Faafeagaiga ia Ekepati Panama, o lea faatoa 10 aso talu ona taunu’u mai i Korea, sa tiute o ia i Ft Bliss, Texas.
Ina ua uma ia le feiloaiga, ona soso’o ai lea ma le taumafataga. Ae o faia le taumafataga, na faapea ona faaali ai se ata faasolo o galuega, ma polokalame uma sa faataunuuina e le ROKSA i le tausaga 2006, e iai ia le faatasiga ole Tausaga Fou 2006, mafutaga ma Sui filifilia o Samoa & Amerika Samoa sa asiasi mai i Korea ma faamavaega ma i latou ua tuua le ROKSA mo tiute fou.
Ina ua uma ona faaaliina o lenei ata faasolo, ona valaau ina ai loa lea o le tamaita’i ia Satini, Jessie Leatigaga mo le tu’uaaoina atu o faailoga a le ROKSA ae le’i malaga ese atu o ia ma Korea. O le tuafafine ia SGT Jessie Leatigaga mai le Vaega I, Camp Casey ua atoa le tausaga talu ona galue o ia i Korea. O le Tofa ia Faleomavaega ma le Peresitene o le ROKSA, Tauapai Laupola sa tu’uina atu se tusi faafetai ma le tupe totino a le ROKSA e aloaia ai la na tautua i Korea faapea ma le ROKSA. Talanoa mai SGT Leatigaga i le agaga faafetai ma le maligi o ona loimata i mea uma sa faia e le ROKSA a’o iai o ia i Korea nei. “E le mafai ona faagaloina ia Korea ona o le ROKSA, uso ma tuagage ae maise ai SSG Faamoemoega Alaifune mo lo outou agalelei ia te ia.”
Ae le’i saunoa le Tofa ia Faleomavaega e tusa ai o le afiafi, sa muamua ona ia faafetai i alo o le Atunuu e tusa ai o le latou tautua mo le malo o Amerika. Ina ua uma la na faafetai, sa faapea loa ona talatalanoa o ia i tama e to’atolu o le Atunu’u na fesoasoani malosi i lona olaga galue ma tautua ia Amerika Samoa. I le ma lea, e le mafai ona galo si ona tina o le na gafa ma le tausiga o ia, ona uso ma tuafafine. Faatasi ai ma le galuega a si ona tina, o tama nei ole Atunuu, ua fai i lagi le folauga, na iloga ona liua ai lona manatu e toe fo’i mai i Samoa e tautua le Atunu’u i upu-fai-a-Malo. O i latou la nei, Le Afioga i le Gafatasi, Fuimaono, Asuemu Ulufale, Afioga le Peresitene o le Senate ia Letuli Toloa ma le Afioga i le Kovana Sili a Amerika Samoa o A.P. Lutali
O le fautuaga a le Gafatasi o Fuimaono, ia Faleomavaega e faapea, “Tautuana ia le atunu’u” aua ua mana’omia e Amerika Samoa lau tautua. Saunoa mai le Peresitene o le Senate, Afioga ia Letuli Toloa, “Fo’i mai i Samoa, sau se’i e ’ai le pefu ma savali i le ma’ama’a, ona e lagona lea o tulaga fa’afitauli o lo’o fa’afeagai ma lou atunu’u.” Fautua mai le Afioga i le Kovana Sili o Amerika Samoa A.P. Lutali e faapea, “o galuega ae le o upu”. Ia fai sou sao ma lafo sau ma’a, aua e leo tele galuega i lo’o upu. Fautua ia Kovana Lutali e faapea; aua ne’i tele le tautala; ae ia faatino galuega. Ona saunoa faapea mai ai lea o Faleomavaega, o fautuaga a tama nei o le Atunu’u, ua faia ma tapasa o ana taumafaiga uma i upu-fai-a-malo.
E tele ni mataupu sa fesiligia ai le Tofa ia Faleomavaega i lea afiafi; e iai ia le taua i le tafa o Iraki ma Afakanasitana, sitiseni o Amerika poo le nesionara o Amerika Samoa, Hawaiian Air, fesoasoani a le Faipule mo i latou e iai fesili i mataupu tau i le militeri, le gagana ma le aganu’u Samoa ia ma le tele o isi mataupu tau i le lotoifale o Amerika Samoa. Saunoa mai Faleomavaega o taimi uma lava e malaga ai i atunu’u o tiute ai alo o Samoa, e taumafai lava e maua se taimi e talanoa ai ma i latou e tusa ai ma a latou taumafaiga aua o le isi lea o a na matafaioi o le saili manatu o alo ma fanau a Samoa o tiute ma tautua i le Malo o Amerika faatasi ai ma lo na faasoa atu ai i alumaga o a na taumafaiga mo le Faigamalo a Amerika Samoa.
Ina ua uma ona sausaunoa le Tofa ia Faleomavaega, ona tula’i loa lea o le Peresitene a le ROKSA, Tauapai Laupola e faamalamalama ma faamanatu i totino uma o le ROKSA, o le Asosi a Samoa i Korea na faavaeina i le agaga o le “alofa, ia e maua ai sou gafa a’o sou aiga i Korea nei”; faatasi ai ma le faalauiloa atu o polokalame ua atofaina mo le Kerisimasi & Tausaga Fou mo totino o le ROKSA. Sa avea fo’i lea avanoa e faalauiloa atu ai fo’i ma le komiti faafoe a le ROKSA; O le Peresitene, MAJOR Tauapai Laupola; Sui Peresitene, CPT Fa’amao Umali-Tanielu; Failautusi, Ms. Easter Bruce; Teutupe, SPC Punefuolemotu Aiumu; Galuega Faalelotu, SFC Leafe & SSG Flo Amosa; Faasalalauga, CSM (RET) Tom Bruce; Komiti o totino, ROKSA, SSG Flo Amosa; Sui o le Vaega I, SGT Fa’asiusiuga Taumua; Sui Sinia mo mataupu tau militeri, SSG Talalelei Fautanu ma le Sui o le Vaega III, le tuafafine ia 1LT Aja Tuiasosopo.
Sa faai’uina le afiafi i le usuina o le “Lota Nu’u” ma le tatalo sa saunia e SFC Leafe Amosa. Ina ua uma le polokalame, sa lolofi mai alo o le Atunu’u e feiloa’i ma le faipule ia ma pu’eina ai o latou ata. Soso’o ai lava lea ma le faasausauga a le Tofa a Faleomavaega ma e ta’ita’i matutua o le ROKSA. O lea sa latou faasoa ma fetufaa’i i nisi mataupu e uiga i le Atunu’u, o a na taumafaiga i le Laumua, o le vaea lea o fitafita mai Korea ma o a ni faafitauli e ona tula’i mai ai i lenei itu o le Pasefika. O le taeao na soso’o ai, Tesema 2, 2006; na toe tu’uvaa ese atu ai le Tofa a Faleomavaega mo le Laumua i Uosigitone.
April 7, 2008 newscast
March 14, 2008 Talafou with Talaimotu Tafaovale
Talafou Mati 6, 2008
Due to the high cost of bandwidth we need your support. Your donation will help us keep this website free, add more features and help us to provide more programing for you.
Fa'afetai tele lava / Thank you
Talofa Samoa March. 11, 2006 Red Cross
Feb. 29, 2008 newscast with Marie Langkilde
Feb. 22, 2008 newscast with Marie Langkilde
Talofa Samoa Feb. 28, 2008 - Baseball Assn.
Jan 24, 2008 Talofa Samoa - Army recruiter Fitimalo
Talofa Samoa Feb. 28, 2008 - Cancer Coalition Vegas Nite
Sen. Pres. Lolo responds to Lt. Gov. Address
del.icio.us
Reddit
Google
Newsvine
Spurl.net
Digg
Yahoo!
Stumble
Facebook
Slashdot
